Shefja e Zyrës së BE-së, Nataliya Apostolova, ka mbërritur në Mitrovicë për të përcjell nga afër punimet e rrëzimit të murit.

Ajo, në një adresim para mediave, i është gëzuar këtij momenti, të cilin e ka quajtur si “shumë të rëndësishëm”.

Duke përgëzuar palët për përkushtimin e tyre në gjetjen e një zgjidhjeje për çështjen e këtij muri, Apostolova ka thënë se shpreson që “kjo do të çojë edhe në zgjidhje tjera”, dhe tha se bashkësia ndërkombëtare do të mbështes çdo iniciativë të këtillë.

Ndërkaq, ajo ka folur edhe për projektin që do të ndërtohet përtej urës së Ibrit, duke thënë se “do të jetë sheshi më i mirë në Kosovë”.

Shefja e BE-së ka garantuar se nuk do të ketë më mure, ndërsa ka thënë se ura e Ibrit do të hapet shumë shpejt.

“Nuk do të ketë mure, por vetëm struktura metalike për të penguar qasjen e automjeteve në të”, ka thënë Apostolova.

Ajo, në këtë adresim, tha se duhet të formohet edhe Asociacioni i komunave serbe.