Incident në sallën e Kuvendit në momentin kur në foltoren e Kuvendit ka qenë ministri i Shëndetësisë, Ilir Beqaj.
Sipas Ora News, ministri Beqaj doli në foltore për të replikuar ndaj deputetes demokrate Albana Vokshi.
Edhe deputeti i PD-së, Sali Berisha kërkoi të merrte fjalën për procedurë dhe iu drejtua foltores.
Në një moment deputeti i PD-së, Edi Paloka iu afrua foltores dhe shtyu me dorë ministrin Beqajn duke kërkuar të largohet nga foltorja.
Menjëherë kanë ndërhyrë Garda për mos lejuar përshkallëzimin e situatës, ndërsa Valentina Leskaj, e cila drejtonte seancën, dha 5 minuta pushim.
