Vizita në Shtëpinë e Bardhë u shoqërua me një rekord të NBA për LeBron James. ‘The King’ shënoi 27 pikë në sfidën mes Cleveland e Washington e fituar nga Cavaliers (105-94) për të arritur në kuotën e 27 mijë pikëve në karrierë.

Është një statistikë kjo që e bën James që në moshën 32 vjeçare të bëhet basketbollisti më i ri në historinë e NBA që e arrin këtë kuotë pikësh.

Nga ana tjetër, San Antonio Spurs është kthyer te fitorja në NBA. Skuadra teksane mposhti në AT&T Center Detroit 96-86, ku ai që spikati ishte pikërisht Pau Gasol me 21 pikë të shënuara.

Me këtë fitore bilanci i San Antonios shkon në 6 fitore e 3 humbje, me Spurs që e sheh veten në vendin e tretë pas Los Angeles Clippers dhe Golden State Warriors.

Në ndeshjet e tjera të NBA, kalifornianët e Clippers mundën Oklahoman 110-88, Toronto fitoi me Charlotte 113-111, ndërsa Portland mposhti Sacramento Kings pas kohës shtesë me rezultatin 122-120.