Ambasadori rus në Turqi, Andrey Karlov është qëlluar me armë zjarri gjatë një ekspozite arti pamor në kryeqytetin turk, Ankara.

Menjëherë mediat kanë publikuar pamjet e para menjëherë pasi ambasadori është qëlluar, ndërsa vrasësi qëndron në këmbë pranë tij. “Ne vdesim në Aleppo, ju vdisni këtu”, është shprehja e autorit të ngjarjes pasi e ka qëlluar.

“Karlov është qëlluar me armë zjarri në momentin kur po mbante fjalim”, thotë ambasada ruse në Turqi, duke shtuar se beson se pas sulmit fshihen radikalët islamikë.

Gjendja shëndetësore e ambasadorit mbetet mister, por CNN Turk thotë se ai ndodhet në gjendje kritike për jetën.

Gjatë sulmit mbetën të plagosur edhe tre persona të tjerë, që u shoqëruan në një spital. CNN turk thotë se besohet që agresori vazhdon të jetë brenda godinës dhe së bashku me të edhe Karlov, që nuk është zhvendosur ende drejt spitalit.

Hasim Kiliç, gazetar i Hurriyet ndodhej në vendin e ngjarjes në momentin kur u dëgjuan krismat. Ai thotë se agresori ka qëlluar fillimisht në ajër për të trembur njerëzit dhe më pas ka vënë në shënjestër ambasadorin rus.

Kiliç thotë se ka dëgjuar slogane radikale islamike prej agresorit, ndërkohë që godina është e rrethuar nga forca të shumta speciale turke. Në vendngjarje ka mbërritur edhe vetë ministri i Brendshëm turk, Suleyman Soylu.

/Mansatiri Lajm/

 

Më poshtë mund të shihni video dhe fotografi nga vendi i ngjarjes:

 

 

 

 

1_1482166807-6224182

 

ruski_ambasador_turcija

 

kjo_1482167426-53692