Sipas Bankës Botërore, deri në fund të atij viti, 600 mijë qytetarë të Maqedonisë janë larguar nga Maqedonia

 

Statistika të ndryshme ndërkombëtare dhe organizata tregojnë të dhëna alarmuese për migrimin nga Maqedonia. Sipas Organizatës Ndërkombëtare për Migrim (IOM) në vitin 2015, rreth 516 mijë qytetarë të Maqedonisë kanë jetuar jashtë Maqedonisë, që është më shumë se 20 për qind e popullsisë gjithsej.

Banka Botërore ka të dhëna për gjendjen e migrimit nga vendi duke përfshirë vitin 2013. Sipas Bankës Botërore, deri në fund të atij viti, 600 mijë qytetarë të Maqedonisë janë larguar nga Maqedonia, shkruan gazeta Koha në Shkup.

Enti i statistikave evropiane – EUROSTAT ndërkohë publikoi se në periudhën nga viti 1998 deri më 2011, nga Maqedonia janë larguar rreth 230 mijë qytetarë, pjesa më e madhe të rinj. Destinacioni më preferuar i qytetarëve të Maqedonisë vazhdon të mbetet Gjermania. Sipas Dojçe Veles, vitin e kaluar 24 mijë qytetarë të Maqedonisë kanë ardhur në Gjermani, nga të cilët gjysma nuk janë kthyer. Sipas Entit Federal të Statistikave në Viesbaden – DESTATIS, në Gjermani jetojnë më shumë se 67 mijë qytetarë të Maqedonisë, përcjell albinfo.ch.