Ylli i tenisit, Petra Kvitova, tha se “është me fat që është gjallë”, pas sulmit me thikë në shtëpinë e saj, transmeton REL.
Kvitova, 26 vjeçe, është sulmuar të martën në qytetin Prostejov të Çekisë.
“Jam e tronditur. Plaga është e rëndë dhe do të duhet të vizitoj specialistët”, tha Kvitova, e cila është plagosur në dorën e djathtë.
Publicisti i saj, Karel Tejkal, e ka përshkruar incidentin si “vjedhje”.
Në tenis, Kvitova renditet e 11-ta në botë. Ajo ka fituar 19 tituj, përfshirë grand-slamet në Wimbledon më 2011 dhe 2014.
