Samuel Eto’o mund të dënohet me 10 vjet burg nga zyra e Prokurorisë në Spanjë pas një mashtrimi që kishte bërë gjatë periudhës 2006-2009 sa ishte futbollist i Barcelonës, ka bërë të ditur e përditshmja spanjolle “El Pais”.
Futbollisti dhe menaxheri i tij, Jose Maria Mesalles akuzohen se kanë mashtruar disa kompani në Spanjë dhe shtete të tjera duke paguar më pak se sa që duhej për imazhin e kamerunasit, në total 3.8 milionë euro, përcjell “Lajmi”.
Hetimet ndaj rastit filluan më 2012 por u shtynë për shkak të çështjeve ligjore. Eto’o është mbrojtur duke akuzuar kompanitë se kanë përdorur paratë pa pajtimin e tij.
